廣東
資深演員江圖早前離世，享年89歲，今日（11/5）於紅磡世界殯儀館設靈。傍晚 6 時許，多年好友黃夏蕙（夏蕙姨）身穿素色服飾現身靈堂致哀。面對老友驟逝，夏蕙姨在接受《香港01》訪問時難掩哀傷，大談兩人跨越 40 年的深厚情誼。
黃夏蕙到場致哀。（陳順禎攝）
「銀幕夫妻」緣起電影 稱呼對方為「老公」
黃夏蕙透露她與江圖的緣分始參演電影，當時兩人正值青春，合作拍攝電視劇時飾演夫妻：「嗰陣時大家都好年輕，乜都唔識，我都係第一次拍戲，諗返都有40年前，我哋好後生，因為佢做我老公，所以每次見親佢我都會叫老公。」
黃夏蕙透露與江圖相識40載。（陳順禎攝）
晚年頻繁聚會 竟成最後一面
談及江圖的近況，夏蕙姨表示兩人私下關係極佳，經常一起參加派對、唱歌。她憶述上個月在演藝人協會的聚會中才見過面，當時江圖精神奕奕，完全看不出異樣：「我仲記得我攬住佢影相，當時我仲講，我哋啲老嘢都終歸同埋一齊，就估唔到冇幾耐佢走咗去。」夏蕙姨大讚江圖為人老實：「叫佢做乜佢又做，又唔會話古古怪怪，又唔會同你講話我要錢，咁你叫佢就嚟。」
特別聲明：以上內容(如有圖片或視頻亦包括在內)為自媒體平臺“網易號”用戶上傳并發布，本平臺僅提供信息存儲服務。
Notice: The content above (including the pictures and videos if any) is uploaded and posted by a user of NetEase Hao, which is a social media platform and only provides information storage services.
